E kini parasysh sa herë hapni një faqe, reklamat që kanë lidhje me të ju ndjekin ngado? Epo, ky nuk është rasti i pizhamave “të bezdisshme”, që u shfaqeshin përdoruesëve të internetit ngado, pavarësisht se ata nuk e kishin klikuar sajtin e asaj reklame, apo nuk kishin kërkuar produkte të ngjashme.
Kanë qenë të shumtë përdoruesit e twitterit që kanë shprehur shqetësimin e tyre për këto pizhama “pa të pasme”, të cilat u dilnin përpara syve ngado që klikonin. Ata nuk arrinin të kuptonin se përse vazhdonin t’i shihnin ato, në çdo faqe që futeshin.
Sipas BBC, reklamat janë shfaqur për herë të parë në një faqe interneti të Elle, në fillim të kësaj jave, në një artikull mbi Martin Shkrelin, dhe, që prej këtij çasti, thonë ata, ky imazh nuk u është ndarë.
Eksperti i marketingut Mat Morrison, sqaron për BBC, se ndërmarrja kineze që i ka këto produkte, përdor imazhe provokuese për të tërhequr vëmendjen e lexuesëve.
Ata kanë krijuar një rekamë që është mjaftueshëm e “rregullt”, për t’ju shkarë rregullave të kontrolleve editoriale, por mjaft të guximshme për të tërhequr vëmendjen e publikut. Nëse dikush klikon në njërën prej tyre, rrjeti publicitar i fut një ‘cookie rigjetëse’ në pajisje, që mundëson identifikimin kur ta shohë tjetër herë. Kështu, edhe nëse reklamat mund të mos jenë bazuar në interesin e lexuesit, nëse ata i kanë klikuar sikur dhe padashje vetëm një herë, do vazhdojnë t’u rishfaqen pafundësisht.
Kështu, këshilla e vetme që mund të japë ai, është të kemi mendjen kur lundrojmë në rrjet, në mënyrë që të mos klikojmë në gjëra që mund të na japin bezdi më pas, si punë e këtyre.
