Ka vazhduar edhe sot me tone të forta, debati në Parlament mes kreut të Opozitës Lulëzim Basha dhe kreut të qeverisë Edi Rama, i cili nisi si për një sërë çështjesh të ditës, si rritja e cmimit të energjinë elektirke, faturën që shteti shqiptar duhet t’i paguajë Beketit, shumën prej 200 milionë që Rama deklaroi se do t’ia jepte OSHEE-së në formën e kredisë sovrane, për t’u shndërruar në një sherrnajë batutash, pa benefit për popullin dhe politikat reale që i nevojiten atij.
Teksa Rama e krahasoi Bashën me Berishën në intonacionin dhe gjuhën e përdorur sot në Kuvend, Basha ia ktheu se përmendja vazhdimisht e Berishës dhe e foltores është vetëm në interes të Ramës, për të shpërqendruar vëmendjen nga temat e nxehta të ditës, e se pavarësisht problematikave në PD-në, ai nuk do t’I hidhte kurrë poshtë 16 vite bashkë punim me Berishën.
Mos imito atë të foltores, tha Rama, se orgjinali duket përherë më e mirë se kopja. Po hallin që ke sa do ta qajmë, nuk ta zgjidhim dot. E duke iu referuar atyre që u thanë këtu, meqë u soll FMN-ja, e kam këtu përpara, në dekalaratën në përfundim të misionit, dhe po e citoj. Rritja e ekonomisë ka treguar një ekonomi të qëndrueshme aps tërmetit dhe pandemisë. Pas tërmetit të vitit 2020, aktiviteti ekonomik po ngrihet fuqishëm. Në një tjetër mandat, qeveria është e mirëvendosur për të adresuar sfidat…. Dhe më tutje, pas një periudhe kontraktimi me 4% në vitin 2020, e cila është shumë më pak seç ishte parashikimi fillestar, ekonomia po ngrihet fuqishëm, me një rritje të parashikuar me 7.21 %, mbaje mend do jetë mbi 8, nxitur nga mbështetja e vazhdueshme e politikave fiskale, rindërtimit, pakësimi i kufizimit të lëvizjes. Më tutje, se e përsërite këtu prapë, se është e njëjta gjë që bën, përsërit të njëjtën gjë, e merr po të njëjtin rezultat, dhe sot përsërite, përsëritjen si përsëritës, duke u thënë shqitarëve që ne kemi vajtur të marrim 200 milionë barxh, ashtu sic the që ka krizë. Nuk janë borxh. Ato 200 milionë nuk janë borxh, por janë që ajo kosto të mos shkojë në xhepin e shqiptarëve, dhe teoria që të gjithë duhen mbrojtur, e madje solle këtu edhe sipërmarrësit e mëdhenj, që në fillim të fjalimit i quan oligarkë, e pastaj i quajtje punëdhënës, po patjetër, dhe ata duhen mbrojtur! Po nga dalin ato para’? Shumë shpejt do bëjmë një konsultim me shqiptarët, se kush do ta mbajë barën dhe nga do dalin ato para, tha mes të tjerave Rama.
Ndërkohë që Basha në përgjigjen e vet, e cilësoi si llum i tranzicionit, të cilit i kishte mbaruar vaji i kandilit.
Unë nuk jam në këtë sallë për të qenë dikush tjetër nga vetja ime, tha Basha në replikën e tij. Ju përfaqësuesit e listës më të zezë të oligargëve që ka njohur ky vend. Mos guxo, as ti e as langonjtë e tu të sulmojnë opozitën. Mirëmëngjes nga unë nuk ke, se që kur kam hyrë në politikë, je sjellë si armik. Sa herë më sheh, të kujtohet ora e rërës, por ta kam mbajtur pak dorën, llum i tranzicionit. Halli yt është se ty të ka mbaruar vaji i kandilit. Nuk e djeg dot më vajin 8 vjeçar, kështu që, sa herë e ke përmendur foltoren këtu, 8 a 9, foltorja është halli yt. Llumi i tranzicionit është llumi i tranzicionit Edi Rama, pavarësisht nga Partia, ju bashkojnë të njëjtat gjëra, ju bashkon status quo-ja. Se ju flisni për satelitë, kurse njerëzit nuk kanë bukë për të ngrënë, se keni kaluar kohë më shumë duke ngrënë më sheiikë, se me banorët e zonës. Bëre sikur ndërtove sistemin e drejtësisë, po e bëre të papërdorshëm, e bëre si imazh të bukur, që ta përdorësh kur të shkosh në ato panairet e kotësisë ku shkon ti me atlete, por e kanë kuptuar të gjithë. Ti jo vetëm që nuk merr vesh nga asnjë në fushën e drejtësisë, po je rrethuar dhe nga një tufë injorantësh, tha mes të tjerave kreu i Opozizës Basha.
