Rama bëri me dije se nuk ka ndërmend të rrisë rrogat e pensionet edhe në rast se rriten çmimet, për shkak se një rritje e paparashikuar, në shifrat që hamendësoheshin në popull, 300 euro pensioni dhe 500 euro paga mesatare, do ta shpinin vendin në krizë të sigurt.
Disa madje thonë u shpreh Rama në deklaratën e tij mbi planin e qeverisë për menaxhimin e krizës energjitike, bëjeni pensionin 300 euro dhe pagën minimale 500 euro, e pastaj mund të keni fztzrë e të na dilni përpara. Unë u them, se nëse ne e rrisim pensionin minimal sot, jo 300 euro, por 300 mijë lekë, në fund të vitit të ardhshëm, nduhet të mos bëjmë më investime, dhe brenda vitit të përjetonim falimentimin më tragjik të shtetit, ku jo vetëm nuk do kishte më pensione, por atëherë, për herë të parë në historinë e Shqipërisë, që nga koha e Skënderbeut, do shikonim se cfarë do të thotë në të vërtetë të vdesësh për bukë. Ndërsa nëse e rrisim dhe pagën minimale jo 500 euro, por 500 mijë lekë, na duhet më pak se një vit që të hyjmë në krizën e parë të urisë në 500 vjet histori, tha Rama duke lënë të kuptohej se nuk do të kishte asnjë rritje, edhe nëse kriza energjitike në rajon e botë, do të sillte një rritje të mundshme çmimesh.
