Ngrohja Globale ka kaluar në 2024-in kufirin e 1.5 gradëve në vit. Kështu deklaron Copernicus, programi i vëzhgimit të Tokës i Agjencisë Evropiane të Hapësirës (ESA) të Komisionit të BE-së, e cila bën me dije se janari 2024 është janari më i nxehtë që ka qenë ndonjëherë.
Sipas Copernicus, ngrohja globale ka tejkaluar për herë të parë kufirin prej 1.5 gradë celsiusëve (1.48 krahasuar me nivelin paraindustrial 1850-1900) gjatë një viti të tërë.
Po sipas Copernicus, mes shkurtit ’23 dhe janarit ’24, temperatura mesatare globale u rrit me 1,52 gradë dhe janari i vitit 2024 ishte më i ngrohti i regjistruar ndonjëherë në nivel global, me një temperaturë mesatare të ajrit prej 13,14 gradë, e barabartë me 0,70 gradë mbi mesataren 1991-2020 për janarin dhe +0,12 gradë krahasuar me temperaturën e rekordit të mëparshëm (janar 2020).
