Kim Jong Un dhe familja e tij janë vaksinuar së fundmi ndaj Covid-19 me një vaksinë eksperimentale ofruar nga qeveria kineze. Të paktën kështu shprehet për 19fortyfive Harry Kazianis, ekspert në çështjet e sigurisë kombëtare, i cili është cituar së fundmi edhe prej gazetës amerikane New York Post.
Sipas Kanzianisit, Kimi dhe familja e tij janë vaksinuar me një vaksinë eksperimentale covid-19, dhe nuk dihet ende se me cilën prej atyre që janë në proces.
Deri më tani në Kinë janë në garë tri vaksina ndaj covid-19, ajo nga Sinophram Group, ajo e Sinovac Biotech Ltd dhe ajo e CanSinoBio, nga të cilat asnjëra nuk ka nisur provat klinike të fazës 3. Ndërkaq, po sipas Kanzianisit, Sinopram është shprehur se, pavarësisht kësaj, gati një milionë kinezë e kanë përdorur vaksinën e saj.