Qindra-mijëra njerëz kanw vijuar të protestojnë në mbarë Rusinë, për lirimin e Alexei Navalny-t, kritikut më të madh të Putinit në Rusi, i cili u arrestua thuajse dy javë më parë sapo shkeli tokën ruse, pas kthimit nga Gjermania, ku u strehua të merrte veten pas helmimit me gjasa nga shërbimet sekrete ruse.
Duket se një pjesë e mirë e njerëzve kanë marrë edhe më tepër zemër prej mbështetjes që Bashkimi Evropian u ka dhënë protestave, duke i bërë thirrje Putinit, të mos i arrestojë protestuesit, por t’i lejojë njerëzit të ushtrojnë të drejtën e tyre për protestuar, pa pasur frikën e arrestimit.
Ashtu si dhe më parë, Josep Borrell, një nga krerët më të lartë të diplomacisë evropiane, i ka bërë thirrje Putin-it që të respektojë marrëveshjet ndërkombëtare në këtë drejtim.
I deplore widespread detentions and disproportionate use of force against protesters and journalists in #Russia again today. People must be able to exercise their right to demonstrate without fear of repression. Russia needs to comply with its international commitments.
— Josep Borrell Fontelles (@JosepBorrellF) January 31, 2021
Deri më tani, nga protestat për lirimin e Navalny-t, sipas medieve të huaja, janë arrestuar thuajse 4000 veta.
\n\n