Këngëtarja kanadeze Alanis Morisetta ka rrëfyer përgjtë një dokumentari të HBO, se në moshën 15 vjecarë është përdhunuar nga shumë meshkuj. “E them tani, u shpreh ajo mes të tjerave në dokumentar, se më përpara askush nuk më dëgjonte. Popstari 47 vjecar, ka rrëfyer në këtë dokumentar se i janë dashur vite të tëra terapie për të kaluar traumat dhe se foli tani hapur për këtë gjë, sepse kultura jonë nuk i dëgjon gratë.
M’u deshën vite e vite terapi, edhe vetëm për të pranuar që mund të kishte pasur ndonjë lloj viktimizimi nga ana ime. Thosha përherë se dukesha sikur jepja pëlqimin tim, pastaj thosha, ej, ishe 15 vjece, s’mund ta japësh pëlqimin tënd kur je 15 vjece.
Në fillim ua rrëfeva disa njerëzve, por fjalët e mia ranë në vesh të shurdhër. Ka shumë që pyesin, po përse ato gra presin 30 vjet për ta thënë? Dhe unë u përgjigjem: nuk presin ato 30 vjet, por është kultura jonë që nuk i dëgjon gratë.
Dokumentari do të shfaqet në Toronto Film Festival. Nuk është hera e parë që këndëtarja flet për abuzimet dhe ngacmimet, duke pohuar madje gjatë një interviste se të tëra gratë në botën e muzikës janë ngacmuar, sulmuar apo përdhunuar, e se në muzikë, kjo gjë është më e pranishme se në kinema.
Po të mos kisha një ekip të tërë terapistësh që më kanë shoqëruar tërë jetën, nuk besoj se do isha ende këtu, përfundon Morisette.
