Gjykata e Posaçme kundër Krimit dhe Korrupsionit GJKKO, ka dhënë sot masën e arrestit ndaj kardiologut Edvin Prifti.
I pyetur përpara se të jepej kjo masë nga gazetarja Klodiana Lala, ai është shprehur se shuma e parave që i qenë gjendur në shtëpi i përkisnin të shoqes, e cila, kishte bërë një shit-blerje me të motrën, për të bërë një tjetër blerje së afërmi.
“Kjo ka qenë një marrëdhënie mes dy motrave, iu përgjigj ai gazetares Klodiana Lala, që kanë bërë shitjen njëra-tjetrës, të bashkëpronësisë që kishin, dhe bashkëshorti ose baxhanaku im, i cili ka kryer edhe blerjen, preferoi që këto, meqë i ka të gjitha llogaritë e firmës së vet në një situatë të caktuar, që ai e di, preferuan që të bënin këtë shit-blerje me njëra-tjetrën, dhe duke qenë se edhe blerja e një objekti të dytë, në ndërtim, do bëhej dhe ajo me kesh, çështje një muaj, një muaj e pak ditësh, dhe bashkëshortja ime mendoi që t’i kishte në shtëpi, në që ta përdorte likuiditetin sa më parë që t’í nevojitej, për shpenzimet që ajo kishte nevojë. Padyshim që është edhe elementi tjetër, që besimi që ajo kishte, bashkë me mua, në institucionet bankare, qw ajo e mendoi më të arsyeshme që në këtë periudhë kohore, të bënte këtë blerje në këtë mënyrë. Dhe nuk ka asnjë gjë, mund të kishte edhe më shumë më shumë në shtëpi, sepse unë vetëm në kursimet e mia në 12 vjet që kam punuar jashtë vendit, sigurisht, dhe neve në ato kohëra i kemi sjellë, si çdo emigrant në ato kohëra, i kemi sjellë paratë kesh në vendin tonë. I merrshim andej, se s’donim që të paguanim tarifat bankare, që janë goxha të kripura për transferimet, kështu që edhe në atë kohëra, ka qenë shumë më ndryshe situata. Po mund të kisha edhe ato. Atëherë çfarë do të më thuhej”.
