Është ndarë nga jeta në një moshë të re, vajza e ish-deputetit, Vangjel Tavo. Eva Tavo ka humbur jetën në një aksident rrugor të ndodhur në Tetovë.
Vajza e ish-deputetit është përplasur nga një makinë në rrugën industriale në Tetovë. E reja u dërgua pas aksidentit në Spitalin Klinik, por nuk ka mundur të mbijetojë.
Për shkak të plagëve të rënda, Evanthia Tavo ka ndërruar jetë. Lajmin e trishtë e bën me dije vetë ish-deputeti i LSI përmes një njoftimi në Facebook.
“Këto janë fjalët më të vështira që shkruaj në jetën time. Vajza ime e madhe Eva u nda nga jeta në kulmin e rinisë, në moshën më të bukur, siç ishte edhe vetë ajo. Varrimi bëhet ditën e enjte, datë 30 nëntor, ora 11:00 në Jorgucat, Gjirokastër”, shkruan Tavo në faqen e tij zyrtare në fejsbuk.
Kjo nuk është tragjedia e parë për familjen Tako. Mediat bëjnë në dije se disa vite më parë, është ndarë tragjikisht nga jeta edhe nëna e Evës, Aristulla Xhumba.
