JaponIa ka ekzekutuar një burrë të moshës 39 vjecare i cili, nga sa raportojnë mediat vendase, kishte vrarë shtatë persona me thikë në 2008-n. Sipas tyre Tomohiro Kato ka kryer një prej vrasjeve më tronditëse masive në historinë vendit kohëve të fundit. Ai ishte vetëm 25 vjec, kur ngau një kamion drejt një turme këmbësorësh në orën e drekës lagjen tregtare të Akihabaras, duke vrarë tri persona. Më pas, i goditi kalimtarët me një kamë, duke vrarë katër dhe plagosur tetë të tjerë. Ai u arrestua në vend ngjarje, e më pas pranoi se i kishte kryer krimet për shkak se kishte qenë i acaruar prej bullizmit onlajn.
Krimi i kryer prej të riut ngjalli shumë debate në shoqërinë japoneze mbi vrasjet rastësore, ndikimin e onlajnit dhe dështimin e mbështetjes ndaj shëndetit mendor të të rinjëve.
Të martën mediat japoneze bënë të ditur që Katon, aktualisht 39 vjec, u ekzekutua në qendër të Tokios.
Ky ekzekutim është i pari për këtë vit në këtë vend, ndërkohë që dhjetorin e shkuar u varën tri persona.
