Përmes një tjetër postimi, Policia e Shtetit njofton se janë identifikuar dy viktimat, goditur brenda nje audi, në semafor, në unazë të re. Ata janë shtetasi E. M., 32 vjeç, drejtuesi i mjetit, dhe pasagjeri shtetasi A. D., 26 vjeç.
Ndërkaq, po sipas policisë, në Thumanë është gjetur një automjet me targa të vjedhura, që dyshohet se është e atyre që kanë shtirë mbi audin.
Informacioni i plotë i policisē
Tiranë/ Informacion shtesë
Në lidhje me informacionin paraprak të dhënë pak më parë, për ngjarjen e ndodhur te “2 rrathët” në Unazë të Re, ju bëjmë me dije se :
Grupi hetimor ka bërë identifikimin e dy personave që kanë humbur jetën si pasojë e të shtënave me armë zjarri:
Drejtuesi i mjetit shtetasi E. M., 32 vjeç dhe pasagjeri shtetasi A. D., 26 vjeç.
Ndërkohë në Thumanë është gjetur një automjeti tip “Toyota” duke u djegur dhe dyshohet se është automjeti që kanë përdorur autorët e ngjarjes.
Targat e mjetit të djegur rezultojnë të vjedhura në Tiranë.
Grupi hetimor nën drejtimin e Prokurorisë po punon për dokumentimin e ngjarjes si dhe grumbullimin e provave që çojnë në identifikimin e autorëve të ngjarjes.
