Jemi në prag të një gushti i cili shënon edhe muajin e fundit të verës. Vazhdon të jetë vera disi e çuditshme, për arsye të vendosjeve të rëndësishme, por edhe disi jo komode të yjësisë, për shkak të tranzicionit në të cilin ndodhemi, që do ta ndjejmë deri në fundin e prillit që vjen.
Ndryshimi më i rëndësishëm për muajin gusht, është planeti i veprimit, i punës, i karrierës, i cili në datën 8 do të zgjohet me marsin tek Peshorja, gjë që do të bëjë që përsëri, edhe pse verë, për pothuajse gjysmën e zodiakut, do të jetë prioritet puna. Një mars që do të qëndrojë aty deri në fund të shtatorit, deri më 23 shtator, kështu që del prioritet puna për shenjat e Ajrit dhe për shenjat e Zjarrit.
Ndërsa përsa i përket vendosjes së rëndësishme, kemi Venusin tek Gaforrja që e ngroh disi shpirtin tonë, atmosferën, por vazhdon Mërkuri në të kundërt. Mërkuri kthehet në të drejtë në datën 12 gusht, kështu që deri në atë moment, si për inerci, vazhdojmë të jemi me toleranca të vogla, me keqkuptime apo keqinterpretime, sikur duam të shpërndajmë energji jo pozitive. Do të ishte mirë, pavarëisht shenjës, se ky Mërkur në vetvete mund të shkatkojë edhe për gjëra të vogla grindje të mëdha, të jemi pak më realist me njerëzit që ndajmë problematikat tona, sepse zakonisht i ndajmë me njerëzit që i kemi shumë xhan e padashje i rëndojmë ata.
Kemi ciklin hënor. Kemi një hënë shumë të bukur të plotë, dhe hëna e plotë e datës 9 do jetë shumë e bukur dhe e afërt me Tokën, ndaj se i hedhim sytë nga qielli, qoftë për të parë yjet, qoftë për t’iu lutur Zotit, nuk do ishte keq, rreth datave 8,9, dhe 10.
Urani bën një hyrje jo shumë komode në fazën e parë, por shumë të mbara në pjesën e fundit, dhe Venusi, siç e thashë, do të jetë tek Gaforrja deri në datën 25, pastaj do të kalojë tek Luanët, për të qëndruar deri në datën 19 të muajit shtator. Çfarë do të thotë kjo? Që do të kenë mundësira, si shenjat e Tokës, si shenajt e Ujit deri në datën 25, të rregullojnë çfarë gabimesh janë bërë nëpër raporte, nga data 9 me hënën e plotë, deri në datën 25 pra. Por edhe shenjat e Zjarrit dhe shenjat e Ajrit kanë mundësira shumë të mira, për të korrigjuar dhe formatuar edhe njëherë, e për të gjetur edhe ata që janë beqarë, nga data 25 e gushtit deri në 19 shtator.
Një nga problematikat e gushtit, e sidomos për ditët e para që flitet, janë problematikat në çifte, sidomos për të lindurit në datat 1 e 2y të cdo shenje, për fazën e parë të gushtit. Do të duhet ta marrin shtruar, se raportet mezi ndërtohen, por mund të prishen shumë kollaj.
Të ruajmë raportet që janë të rëndësishme për ne, që i kemi projektuar për bashkëudhëtim të gjatë. Do të ishte mirë që të ruajmë dhe të duam njerëzit që kemi zgjedhur.
