Ish presidenti francez Nikola Sarkozi është dënuar me tri vjet burg për korrupsion. 66 vjeçari është deklaruar fajtor, pasi kishte tentuar të korruptonte një gjyqtar, duke i ofruar punë prestigjoze në këmbim të informacioneve për një tjetër procedim penal ndaj Sarkozisë.
Sarkozi është i pari ish president që merr një dënim të tillë, ndaj pritet ta apelojë. Sipas gjykatësit, ai mund ta vuajë një vit në shtëpi, i pajisur me një monitorues elektronik.
Ai e dinte se po vepronte gabim, mësohet të jetë shprehur gjykatësi, duke shtuar se veprimet e tij dhe ato të avokatit të tij, i kishin dhënë publikut një imazh vërtet të keq për drejtësinë në vend. Krimet u klasifikuan si përdorim i pushtetit dhe dhunim i sekretit profesional, duke e shndërruar këtë dënim në një pikë referimi sa u takon ligjeve të Francës së pas luftës, e cila ka njohur deri më tani vetëm një precedent të ngjashëm, atë të Zhak Shirakut, i cili u dënua se kishte organizuar punime false për aleatët, kur kishte qenë në krye të Bashkisë së Parisit.