Misteri i vdekjes së Gene Hackman dhe gruas së tij Betsy Arakaëa është zbuluar nga hetuesit e Neë Mexico: aktori i famshëm dy herë fitues i Oskarit vdiq nga problemet me zemrën rreth një javë pasi ajo, e goditur nga një sëmundje e rrallë dhe shpesh fatale e transmetuar nga jashtëqitjet e miut, u rrëzua pa jetë në dyshemenë e një prej banjove të shtëpisë.
Vdekja e të dyve nga shkaqe natyrale Çifti, i martuar prej 34 vitesh, vdiq për shkaqe natyrale, por kjo nuk e bën më pak dramatike historinë e tyre klinike. Betsy kishte marrë sindromën pulmonare Hantavirus, një sëmundje serioze e frymëmarrjes, shkaktuar nga një virus i transmetuar kryesisht nga brejtësit. Sëmundja manifestohet për tre deri në gjashtë ditë me simptoma të ngjashme me ato të gripit, por pastaj merr një kthesë për keq, nëse kundërmasat nuk merren menjëherë, deklaruan mjekët: lëngu grumbullohet përreth dhe brenda mushkërive dhe pacienti vdes i mbytur.
Hackman kishte sëmundjen e Alzheimerit Betsy u gjet e shtrirë në dyshemenë e një banjoje, ndërsa Gene në një hyrje në anën tjetër të shtëpisë. Aktori, 95 vjeç, kishte sëmundje të avancuar të Alzheimerit dhe është e mundur – thanë hetuesit e çështjes – që ai të mos ketë pasur dijeni që gruaja e tij kishte vdekur. Alzheimeri mund të ketë kontribuar në vdekjen e tij. Sipas indikacioneve të stimuluesit kardiak, zemra e aktorit ka pushuar së rrahuri më 17 shkurt.
Lëvizjet e fundit të bashkëshortes Hetuesit kanë rindërtuar lëvizjet e fundit të 65-vjeçares Betsy: më 9 shkurt, ajo kishte shkuar tek një veteriner për të marrë Zinën, një nga tre qentë e çiftit, i cili i ishte nënshtruar një operacioni të vogël: kjo është arsyeja pse kafsha, e cila ka ngordhur me gjasa nga uria dhe etja, gjendej e mbyllur në një kafaz. Dy ditë më vonë ajo doli përsëri për një sërë detyrash – një nga ndalesat qe në një farmaci – dhe u kthye në shtëpi rreth orës 17:00. Në atë moment komunikimet me botën ndaluan. Detektivët gjetën një numër emailesh të pahapura në kompjuterin e gruas.
