Pas humbjes së thellë në garën europarlamentare, Makron shpall zgjedhjet e reja në Francë
Presidenti francez, Emanuel Makron, njoftoi të hënën shpërndarjen e parlamentit dhe mbajtjen e zgjedhjeve të reja, pasi partia ultradjathtiste në vend fitoi bindshëm ndaj “Rilindjes” ku ai aderon dhe ndaj bllokut centrist që mbështeti në BE. Zgjedhjet e reja do të mbahen më 30 qershor dhe 7 korrik në dy raunde.
Emanuel Makron, president i Francës:
“Pasi jam konsultuar me përmbajtjen e Nenit 12 të Kushtetutës sonë, kam vendosur t’ju jap juve zgjedhjen përmes votës për të ardhmen e parlamentit tonë. Prandaj sot do të shpërndaj Kuvendin Kombëtar. Pas pak çastesh do të firmos dekretin për zhvillimin e zgjedhjeve legjislative, të cilat do të mbahen më 30 qershor raundi i parë dhe më 7 korrik, i dyti.
Mësimi kryesor është i qartë: ky nuk është një rezultat i mirë për partitë që mbrojnë Europën, edhe për shumicën presidenciale.
Në këtë situatë unë nuk mund të dorëzohem. Rritja e nacionalistëve dhe e demagogëve është rrezik jo vetëm për kombin tonë, por edhe për Europën tonë dhe për vendin e Francës në Europë e në botë.