Astra-Zeneca nis tërheqjen e vaksinave anti-covid në treg: “Qemë tepër krenarë për të, por ishte një vendim komercial”
Pas më shumë se tre miliardë dozave, vaksina Oxford-AstraZeneca ndaj Covid-19 po tërhiqet nga tregu. Në deklaratat e tyre, përfaqësuesit e kësaj kompanie, kanë deklaruar se qenë krenarë për produktin e nxjerrë, porse vendimi për ta hedhur në treg aq shpejt, kishte qenë një vendim komercial.
Vaksina AstraZeneca u vlerësua për shpëtimin e shumë jetëve gjatë pandemisë, por nuk munguan gjithashtu prej saj as mpiksjet e gjakut me përfundime fatale për jetën.
Teksa të tërë përpiqeshin të zbulonin vaksinën gjatë pandemisë së Covid-19-s, shkencëtarët e Oksfortit e krijuan këtë vaksinë në një kohë rekord. Një proces që normalisht kërkonte 10 vjet kohë, u përshpejtua në dhjetë muaj.
Në nëntor të 2020-s, ajo u shpall si “vaksina që do të shpëtonte botën”, pasi qe shumë më e lirë dhe më e lehtë për t’u ruajtur se vaksinat e tjera të Covid-19.
Kujtojmë se në Shqipëri një pjesë e madhe e popullsisë janë vaksinuar me këtë vaksinë, e po ashtu ka pasur edhe raste të përfolura për mpiksje gjaku menjëherë pas bërjes së saj, për të cilat nuk dihet nëse institucionet përkatëse kanë mbajtur statistika./ MetropolPost.al