Është dorëhequr ditën e sotme qeveria hollandeze kryesuar prej liberalit Mark Rutte. Motivi ka qenë një skandal lidhur me ndihmën ekonomike, dhënë nga qeveria për prindërit në vështirësi, që shpinin fëmijët në qendrat e kujdesit ditor. Rreth 26 mijë prindër, u akuzuan me pa të drejtë se kishin mashtruar qeverinë lidhur me këtë ndihmë.
Sipas hetimit zyrtar, u tha se ministrat, nëpunësit, parlamenti e madje edhe gjykatësit kishin pasur rol në këtë skandal, duke lënë ata të pafuqishëm për të reaguar ndaj kësaj akuze.
\n\n
Ministrat e qeverisë Rutte III, do qëndrojnë në postet përkatëse deri në zgjedhjet e ardhshme parlamentare, që mbahen më 17 mars, por nuk do të kenë të drejt vendimesh.
Lidhur me menaxhimin e situatës së koronës në vend, Mark Rutte u shpreh se ajo do vazhdojë të jetë nën kontroll, pavarësisht dorëheqjes së qeverisë.