Vëllezërit Klitschko, Vitali dhe Vladimir, me famë botërore në sportin e boksit, kanë deklaruar se do t’i bashkohen luftës për mbrojtjen e vendit të tyre Ukrainës.
“Nuk kam zgjidhje tjetër“, ka deklaruar, Vitali, kryebashkiak i KIevit, që prej 2014-s. “Më duhet ta bëj këtë, më duhet të luftoj për vendin tim. Unë besoj tek Ukraina, besoj tek vendi im dhe tek njerëzit e mi”
Ndërkaq Wladimir Klitschko është bërë pjesë e ushtrisë ukrainase në fillim të këtij muaji, duke deklaruar se dashuria që ka për vendin, e shtyn ta mbrojë atë.
“Populli rus është i fortë“, citoi ai të enjten në tuiterin e tij. “Dhe do t’i mbetet sërish besnik vetes edhe në këtë provë të tmerrshme. Një popull që e do sovranitetin dhe paqen. Një popull që e konsideron popullin rus si vëlla. E di që ai nuk e do këtë luftë. Populli ukrainas ka zgjedhur demokracinë, por ajo është e brishtë. Demokracia nuk mund të vetmbrohet, ka nevojë për vullnetin e qytetarëve, për mbështetjen e të gjithëve. Nuk ka demokraci, nëse nuk ka demokratë“, shkruan ai mes të tjerave, në një shënim të stërgjatë drejtur njerëzve, botuar në linkedin.
