Në prezantimin e programit të Partisë Demokratike për ish të përndjekurit në vend, Basha u shpreh se pas 25 prillit, jo vetëm që do t’u jepte atyre vendin që u takonte, por edhe shpërblimin financiar të merituar për vuajtjet nën regjimin komunist.
Disa nga pikat për të cilat ai u angazhua se do të fokusohej nëse fitonte zgjedhjet, ishin:
- Institucion i përhershëm, me një fond të përhershëm, deri në përfundimin me sukses të këtij misioni, që është evidentimi i eshtrave të personave të zhdukur gjatë komunizmit;
- Angazhohem që ditët e para në qeveri të krijojmë instrumentin dhe fondin, për gjetjen e trupave të pushkatuar që regjimi komunist i la pa varre, dhe ta financojmë atë deri në përfundimin e plotë të këtij procesi dhe përmbylljen e tij brenda një kohë sa më të shkurtër;
- Do ofrojmë bursa studimi dhe kredi të buta për banesa çifteve të reja nga pasardhësit e të përndjekurëve politikë;
- Do të subvencionojmë shërbimet shëndetësore dhe rrisim pensionet për të përndjekurit nga komunizmi, si dhe, po shikojmë mundësinë që ish të burgosurëve politikë t’u jepen nga 100 euro shtesë mbi pensionin e tyre;
- Atyre që kanë vuajtur punën skllavëruese në minierat e Spaçit, Qafbarit, do t’u mundësojmë një pension si të minatorëve, për ato vite që kanë punuar aty;
- Do dënojmë simbolet e komunizmit në Shqipëri dhe do fusim në sistemin arsimor edukim të veçantë për këtë periudhë te errët të historisë sonë;
- Angazhohem për ngritjen e muzeut në nderim të viktimave të komunizmit dhe do përpiqemi me ngulm të kërkojmë fatin e atyre që u ekzekutuan prej tyre;
- Angazhohem për ngritjen e monumenteve kujtimore në respekt të personaliteteve të veçanta, ngjarjeve të veçanta historike dhe sakrificave të të përndjerkurve politikë dhe rezistencës së tyre gjatë diktaturës;
- Angahohem për miratimin e një ligji për pastrimin e figurës, që nuk do të jetë vetëm një distanicim një herë e mirë nga diktatura gjakatare 50 vje[are, por edhe një apologji për tridhjetë vitet e munguara;
- Do garatojmë që ky kapitull i errët i historisë sonë, të mos kthehet kurrë.
