Ka reaguar për akademinë e blektorëve edhe ish ministri i Bujqësisë Edmond Panariti. Në një status të saposhkruar, ai sugjeron që e vetmja mënyrë për t’u ardhur në ndihmë blektorëve, është ajo me pará në dorë.
Program “Jo Akademik” për të ndalur rrokullisjen e blegtorisë!, shkruan Panariti.
Riktheni pagesat me para në dorë për çdo kokë bagëti në stane, stalla, ferma !
Numëro krerët, regjistroi dhe paguaj kokë për kokë!
Pa shumë ndërlikime e burokraci.
Paguaj me Para në dorë!
Ashtu siç është vepruar deri në 2017.
Pagojini blegtorët që të përballojnë sadopak kostot e mbarështimit të deleve dhe dhive dhe të bazës ushqimore!
Sepse dimri po vjen dhe bagëtia nuk mbahet vetë me kullotë!
Do edhe bar të thatë e koncentrat që kushton!
Para!
Prandaj jepuni para që t’i blejnë!
Jepuni para për të rregulluar çatitë e stallave, grazhdet, koritat. Sepse u janë rrënuar!
Vaksinojini falas kundër plasjes, brucelozës etj.
Jepuni 1500 lekë pagesë në dorë barinjve dhe blegtorëve për çdo kokë dele dhe dhi të regjistruar. Si fillim!
Pa harruar edhe lopët e viçat.
Riktheni pikat e therjeve, përpunimit, të baxhove aty pranë staneve, tufave, stallave, në fushë kodër dhe mal të cilat ja u mbyllët padrejtësisht.
Duke i falimentuar!
Paratë e BE hidhini aty, për të ringritur ato biznese të vogla, që ishin limfa dhe gjaku i banorëve por edhe i bujtinave dhe restoranteve rreth e rrotull.
Mbillni biznese të vogla blegtorale dhe përpunuese në kodër e mal.
Ngado e kudo!
Bizneset e vogla janë ekonomia e Shqipërisë.
Janë shpëtimi i saj, popullimi i saj!
I mbajnë njerëzit të lidhur me vendlindjen, që të mos ikin nga sytë këmbët.
Ndërtoni tregje, pazare për bagëtitë në ish komuna, në pika strategjike që i dinë shumë mirë barinjtë, blegtorët dhe tregtarët.
Flisni me ta, uluni fshatçe dhe dëgjojini
Lëri të ndërtojnë jetën dhe punën ashtu siç kanë bërë historikisht brez pas brezi.
Kjo është rruga.. Nuk ka tjetër.
