Ka vazhduar reagimin e tij ndaj deklaratës së ambasadores amerikane Yuri Kim, lideri historik i PD-së Sali Berisha, i cili, gjatë intervistës së mbrëmjes me gazetaren Beti Njuma, u shpreh se ambasadorja Kim duhej t’u kërkonte falje shqiptarëve dhe demokratëve, për shkak se askush nuk ka të drejtë t’ju cënojë sovranitetin atyre.
I kujtoj zonjës Kim, tha ai, se atë shprehjen e barit e kini nga shokët socialist. Ua sugjeroj sinqerisht t’ua çoni ayre, ose ta mbani vetë, se demokratët dhe shqiptarët nuk janë, as se hanë bar, dhe as parti e barit, ndaj dhe ofendime të tilla publike, janë për një ambasadore jot ë denja dhe mendoj se detyrohet t’u kërkojë ndjesë, demokratëve dhe shqiptarëve, për fjalët që ka thënë. Barin t’ia çojë Edi Ramës. Ai e pëlqen një lloj bari, dhe ta mbaj me shëndet barin”, ka thënë mes të tjerave Berisha.
I pyetur nga gazetarja Njuma, nëse a e kishte vënë Bashën në pozitë të vështirë, duke e detyruar të zgjidhte mes tij dhe një marrëdhënieje të mirë me amerikanët, Berisha iu përgjigj se nëse nuk do reagonte kështu, do ta vinte në pozitë të vështirë.
Basha do qe në pozitë të vështirë, nëse unë nuk do rrija për dinjitetin njerëzor, për liritë e njeriut, u shpreh Berisha. Një parti që s’mbështetet mbi këto parime dhe është themeluar mbi to, meriton të mos ekzistojë, theksoi ai.
