Kancelarja gjermane Angela Merkel dhe presidenti francez Emmanuel Macron, ftuan të premten vendet e Bashkimit Europian për të koordinuar politikat e hapjes së kufijve pas covid-19 dhe mbrojtjes prej varianteve të reja të virusit.
Macron pohoi që vendet e BE-së duhet të tregohen të kujdesshme dhe të mos lejojnë përhapjen e varianteve të reja, duke shtuar se Bashkimi Europian po i ndjek me vëmendje zhvillimet në Britaninë e Madhe, e cila ka pasur një rritje të ndjeshme javore të variantit Delta.
Disa vende i kanë hapur kufijtë e tyre më përpara për shkak të sezonin turistik, por duhet të tregohemi të kujdesshëm të mos importojmë variante të tjera, u shpreh ai përpara se të hante një darkë pune me kancelaren Merkel.
Nuk mund të sillemi sikur koronavirusi të ketë marrë fund, shtoi Merkel. Kujdesi nevojitet ende, në mënyrë që të kemi një verë më të lirshme, përfundoi ajo.
