Pas marrjes vesh se krimin në Glyka Nera e kishte kryer bashkëshorti i së ndjerës, grek me origjinë, ka reaguar përmes një statusi në instagramin e tij edhe zv/kryeministri Erion Brace.
Teksa ka shprehur respektin për institucionet ligjzbatuese greke për zbardhjen e ngjarjes dhe gjetjen e autorit të krimit, Braçe u kërkon medieve greke të kërkojnë ndjesë që vunë në shënjestër për javë të tëra shqiptarët për këtë krim, nisur pikërisht nga stereotipet gjinore dhe etnike.
Statusi i plotë i Braçes
CAROLINËN NUK E KA VRARË NJË SHQIPTAR! AS NJË BANDË SHQIPTARËSH DHE AS NJË BANDË ROMËSH NGA SHQIPËRIA, “ATA QË KRYEJNE KRIME TË PËRBINDSHME NË VENDIN FQINJ”!
Prej ditës kur u njoftua krimi makabër, orës, orëve e ditëve që pasuan, mbushur me lajme të medias greke se “vrasesit janë shqiptare”, “vrasësit folën gjuhë të përafërt me shqipen”, “vrasësit mund të jenë nje bandë romësh nga Shqipëria që vjedhin e pasojnë me krime të përbindshme”, kam uruar të mos jetë e vërtetë!
E VËRTETA DOLI NË DRITË TË DIELLIT DHE VRASËSI NUK ËSHTË NJË SHQIPTAR, AS SHUME TE TILLE!
Ndaj sot, të gjitha agjensitë ligjzbatuese greke, meritojnë një duartrokitje të madhe për punën, profesionalizmin, këmbënguljen për t’i shkuar krimit deri në fund, zbardhjen dhe arrestimin e autorit të një krimi të përbindshëm!
Po media greke? Ah, media greke e mbytur nga steriotipet me bazë etnike e një pjese edhe rraciste,
duhet të bëjë një hap pas e të kërkojë ndjesë; për javë të tëra vuri shqiptarët në shenjestër, madje një pjesë i shpalli fajtore, jo vetëm që nuk ndihmoi hetimin, por i mori kohë hetimit duke e shtyrë e vëne nën presion me nje pistë të paqenë, të rreme, të pavërtetë!
I keqardhur pafund për këtë!
Krimi nuk ka komb, as kombësi!
Krimineli është njësoj i tillë, pavarësisht pasaportës, pasaportave; Duhet trajtuar njësoj, sipas ligjit e me ashpersinë që buron prej tij; Agjensitë tona ligjzbatuese duhet të jenë edhe më afër, të bashkëpunojnë edhe më fort, intesivisht per t’i bërë kufijtë e vendet tona edhe më të sigurta, duke ju ofruar qytetarëve tanë paqe e qetësi!
