Mbrëmjen e sotme kreu i shtetit Meta, ka bërë publike në një konferencë për shtyp, rastin e një qytetari i cili pretendon se është survejuar dhe, më pas, shantazhuar përmes gjobave, për hir të bindjeve të tij politike.
Sipas pretendimeve të qytetarit, menjëherë pasi ai kishte takuar presidentin Meta për motive pune në maj të 2020-s, së bashku me disa operatorë të tjerë turistikë, e pasi kishte postuar një status në fejsbuk me drejtuesen e LSI-së Monika Kryemadhin, i kishin nisur gjobvëniet pa motiv e në kundërshtim me ligjin.
Qytetari tregoi përpara gazetarëve bisedën që kishte pasur me Blendi Gonxhen, drejtuesin e DPSHTRR-së për këtë motiv, si dhe refuzimin e ndihmës nga ana e tij, për hir të statusit me Kryemadhin, të cilin Gonxhja tashmë, ia niste qytetarit si argument për të mos e ndihmuar.
Meta e cilësoi këtë si një situate skandaloze e cila tregonte se si patronazhistët ndjekn dhe survejojnë gjithë qytetarët e republikës së Shqipërsë, të cilët bëjnë pastime kundër qeverisë apo pro opozitës dhe më pas, duke kuptuar çfarë problemi kanë, çfarë profesioni kanë, çfarë halli kanë, ku e kanë punën. Pastaj ua shpërndajnë drejtorive të partisë-shtete dhe, përmes tyre, u krijohen pengesa të paligjshme, për t’ua bërë jetën të pamundur, që ose t’i dorëzohen rilindjes e të bëhen skllevër të saj, ose të largohen nga Shqipëria dhe të falimentojnë.
Fotografohet çdo postim i qytetarëve, tha ai, çdo lajk e gjithçka. Shkon në një zyrë qendrore ku është i gjithë databaza e grabitur e Republikës së Shqipërisë për interesa të partisë, dhe, ky merret me këtë lloj aktiviteti, këtij do t’i krijohet një pengesë artificiale, do mbytet me gjoba, të detyrohet të kërkojë ndihmë dhe ndihma do t’i jepet vetëm nëse ndryshon mendim, përndryshe do të përzihet nga Shqipëria.
10 mijë fuksa janë shtuar në administratën shtetërore në vitin e fundit, tha Meta. 100 vende pune jane mbyllur në Shqipëri nga falimentimi i bizneseve dhe sipërmarrjeve.
Që tani e tutje ti je në besën time! i tha Meta qytetarit që denoncoi rastin. Çfarëdo që të ndodh ty, e kam personale me bablokun e Rilindjes.
