“Spitalet do të bëhen si në Turqi”. Kjo ka qenë deklarata e Ramës në Open, i cili theksoi se gjatë mandatit të tretë, sistemi shëndetësor në Shqipëri, do bëhej njëjtë me atë të Turqisë.
Dua t’ju them një gjë, tha ai. Shqiptarët e adhurojnë sistemin shëndëtësor turk dhe kanë të drejtë se është një nga sistemet më të mira të botës sot. Është një histori suksesi, dhe në këtë mandatë të tretë, unë po u them kaq, çfarë shikojnë në Turqi, do ta kenë edhe në Shqipëri në sistemin shëndetësor, edhe si mënyrë funksionimi brenda spitaleve. Spitali i Fierit që do të hapet për pak ditë, është një spital që do të funskionojë si spital publik shqiptar, do jetë me menaxhim, me drejtues të pavioneve, dhe me një pjesë të stafeve turq, dhe pjesa tjetër, 2/3 do jenë shqiptarë. Do jetë një qendër e transferimit të dijes, për autonominë spitalore dhe shumë gjëra të tjera. Do mësojmë nga ai spital, dhe do ta shtrijmë nëpër spitalet e tjera.
