Thuajse një muaj e gjysmë larg zgjedhjeve parlamentare në Shqipëri, kreu i Vetëvendosjes Albin Kurti, është duke zhvilluar turin e tij politik, në mbështetje të kandidatit të saj në Tiranë, Boiken Abazit.
Politika nuk përparon pa u thënë e vërteta, shkruan Kurti në një staus të vetin. E vërteta për Tiranën do të thuhet nga deputeti Boiken Abazi. Boikenin e njoh prej më se 15 vitesh dhe bashkëpunoj me të. Ai është i ndershëm e i qëndrueshëm, i arsimuar mirë dhe studioz, i matur dhe i guximshëm. Boikeni as nuk shitet, as nuk blihet. Prandaj, do ta mbështesim Boikenin dhe do ta çojmë në Kuvendin e Shqipërisë, që ta nisim ndryshimin.
