Ka ngjallur debate të mëdha në Amerikë, bashkëbisedimi i Trumpit me Brad Raffensperger, Sekretarin republikan të Shtetit të Xhorxhias, të cilit presidenti në ikje, Donald Trump, i ka kërkuar ditën e shtunë përmes një telefonate, të gjejë votat e munguara, në mënyrë që shteti i Xhorxhias, të jetë një nga shtetet e fituara prej tyre dhe jo prej Bidenit.
Teksa dëgjohet të përmendë tërë problematikat me votimin, për të cilat ka këmbëngulur ndërkohë, Trump-i, fillimisht me të butë ndaj Brad Raffensperger-it, e më pas duke e kërcënuar për penalitetet që do të ketë nëse nuk vepron, thotë i bindur se ai nuk mund ta humbiste shtetin e Xhorxhias.
Ka pasur shumë probleme, i drejtohet Trump Raffensperger-it, ke kutitë e postës, që u morën. Kemi fotografitë. Nuk e di në i ke ndjekur seancat, por kutitë e postës u morën dhe nuk u kthyen për tre ditë. Gjë që do të thotë se në atë kuti mund të fusje ç’të doje, përfshi dhe votat. E di që do të doje t’i shkoje deri në fund, Brad. Të pashë në televizion ku thoshe se nuk kishit gjetur asgjë të gabuar. Por, ti e di, unë nuk e kam humbur atë shtet. Njerëzit kanë thënë që votimi ka qenë me pjesëmarrjen më të lartë që është parë ndonjëherë. Shumë politikanë thoshin s’ka për të të mundur, dhe në fakt më mundi në… Siç edhe e di, ne kemi fituar në çdo shtet, mbajtëm Senatin, gjë që shokoi shumë njerëz , edhe pse do ta shohim nesër ose pas disa ditësh seç do të ndodhë tamam me të […]
Votat janë marrë me shumicë, dhe ne po përpiqemi t’i mbërrijmë ata numra. Dhe do t’i mbërrijmë. Duhet vetëm pak kohë. Të çertifikuara. Por janë numra të mëdhenj. Edhe më të mëdhenj se 11.779-a.
Pastaj ke dhe të vdekurit. Të vdekurit kanë votuar dhe besoj se numri i tyre është rreth të 5000-tave. Kanë shkuar tek nekrologët. Kanë përdorur çdo mënyrë për të shtuar numrat.
Pra ideja është që, kur ti nis të listosh parregullsitë, të dalin më shumë se 300.000 mijë vota të falsifikuara.
Telefonata është kryer ditën e shtunë, dhe ditën e dielë, një kopje e rregjistruar e saj ka pushtuar tërë mediat amerikane dhe ato botërore po ashtu.
