Pekini po përqendrohet tek inteligjenca artificiale për të sfiduar rënien e vet demografike. Automatizimi dhe inteligjenca artificiale po përdorensë tepërmi për të adresuar një krizë të paparë të rënies së lindshmërisë e të një popullsie në plakje.
Masat për të rritur lindshmërinë kanë pasur efekt të kufizuar dhe pas dekadave me politika për të kontrolluar lindjet, aktualisht në Kinë nuk ka mjaftueshëm fëmijë. Shkalla e lindjeve është në nivelet më të ulëta historike dhe popullsia po bie për të katërtin vit radhazi.
Sipas mediave vendase, shoqëria po plaket me shpejtësi, duke ushtruar presion mbi pensionet, kujdesin shëndetësor dhe rritjen ekonomike, e duke krijuar një ekuilibër gjithnjë e më të brishtë.
Për këtë motiv, së bashku me stimujt socialë, Pekini po përqendrohet në një tjetër strategji: robotët, automatizimi dhe inteligjenca artificiale. Qëllimi është të ruhet produktiviteti i lartë me një fuqi punëtore më të vogël, duke transformuar fabrikat në makina pothuajse autonome dhe duke zhvilluar robotë humanoidë për ndihmë, logjistikë dhe kujdes për të moshuarit.
