Një debat ka përfshirë ditën e sotme deputetët në Komisionin e BE, pasi gazeta holandeze De Telegraaf, ka hedhur dritë mbi një aferë ne kurriz të fermerëve.
Sipas hetimit bërë nga gazeta holandeze, Komisioni Evropian ka përdorur fondet e BE-së për të financuar një rrjet OJQ-sh, me qëllim “promovimin e Agjendës së Gjelbër, të ish-komisionerit Frans Timmermans”.
Zbulimi i gazetës holandeze De Telegraaf ka tronditur Brukselin dhe ka rihapur sërish polemikën mbi Marrëveshjen e Gjelbër dhe punën e von der Leyen, pikërisht në ditën kur në Dhomën e Strasburgut, qe caktuar një debat për përdorimin e fondeve të komunitetit, dedikuar promovimit të politikave mjedisore.
Por cila është akuza
Hetimi, sipas mediave ndërkombëtare, që ka nisur në Amsterdam, përmend kontrata konfidenciale, mes së cilave njëra 700 mijë euro, paguar “për të drejtuar debatin mbi bujqësinë”. Këto kontrata janë subvencionuar për vite prej Komisionit të BE përmes programit Life, për të lobuar në favor të Marrëveshjes së Gjelbër.
Por jo vetëm kaq. Sipas De Telegraaf “organizatave financuar nga Brukseli, u janë caktuar edhe objektiva lobimi specifik ndaj eurodeputetëve dhe vendeve anëtare, për të përshpejtuar zbatimin e strategjisë së re të gjelbër”.
Reagimet
Gjetjet padyshim kanë shkaktuar reagim mes atyre që e kanë kundërshtuar Marrëveshjen e Gjelbër prej vitesh, të cilët e cilësuan këtë si “Timmermans-Gate”.
Eurodeputetët janë përfshirë tashmë në një debat mbi a është e drejtë kjo lëvizje dhe sa u ka rënduar në fakt fermerëve, të cilët vajtën vite që rëndohen nga mos kryerja e politikave të duhura për ta.
