Pas pezullimit të tarifave doganore prej presidentit amerikan Trupm, ka ardhur edhe reagimi i presidents së Komisionit Europian Von der Leyen, e cila deklaron se është “e përkushtuar për negociata konstruktive me SHBA-në”
Presidentja e Komisionit Evropian Ursula von der Leyen e përshëndeti vendimin e presidentit amerikan Donald Trump për të pezulluar rritjen e planifikuar të tarifave, duke e cilësuar këtë si një “hap të rëndësishëm drejt stabilizimit të ekonomisë globale”.
“Kushtet e qarta e të parashikueshme, janë thelbësore për funksionimin e zinxhirëve të tregtisë dhe furnizimit,” u shpreh Von der Leyen në një deklaratë.
“Bashkimi Evropian mbetet i përkushtuar ndaj negociatave konstruktive me Shtetet e Bashkuara,” theksoi ajo.