Von der Leyen: “Rregullat e angazhimit mes fuqive globale po ndryshojnë. Nuk duhet t’i marrim gjërat të mirëqena. Gati për të negociuar me Trump…”

DAVOS/ Kryetarja e Komisionit të KE-së Ursula von der Leyen, ka bërë me dije gjatë takimit në Davos, se për t’u përshtatur me ndryshimet e reja globale, Evropës i duhet tê negociojë.

“Për të mbështetur rritjen gjatë çerek shekullit të ardhshëm, Evropës i duhet të ndërrojë shpejtësi”, tha në fjalën e saj Von Der Leyen. “Kjo është arsyeja pse i kërkova Draghit një raport mbi konkurrencën e BE-së. Mbi këtë bazë, javën e ardhshme Komisioni do të prezantojë udhërrëfyesin tonë. Rendi botëror kooperativ që ne parashikuam 25 vjet më parë, nuk është bërë realitet. Në vend të kësaj, ne kemi hyrë në një epokë të re të konkurrencës së ashpër gjeostrategjike, nga AI te teknologjitë e pastra, nga Arktiku në Detin e Kinës Jugore”, theksoi ajo.

“Marrëveshja e Parisit vazhdon të jetë shpresa më e mirë e gjithë njerëzimit. Kështu që Evropa do të qëndrojë në rrugën e duhur dhe do të vazhdojë të punojë me të gjitha kombet që duan të mbrojnë natyrën dhe të ndalojnë ngrohjen globale”.

Ndërkal lideri gjerman theksoi se “Vitet e ardhshme do të jenë jetike përtej Evropës. Të gjitha kontinenteve do t’u duhet të përshpejtojnë kalimin drejt emetimeve neto zero dhe të përballen me barrën në rritje të ndryshimeve klimatike”.

“Asnjë ekonomi tjetër në botë nuk është aq e integruar sa ato BE-SHBA dhe ka shumë në rrezik për të dyja palët. Prioriteti ynë i parë do të jetë të angazhohemi herët, të diskutojmë interesat e përbashkëta dhe të jemi gati për të negociuar me administratën e Trump”, shtoi presidentja e Komisionit Evropian.

“Ne do të jemi pragmatikë, por do të mbetemi gjithmonë besnikë ndaj parimeve tona, duke mbrojtur interesat dhe vlerat tona: kjo është rruga evropiane”, theksoi ajo, duke shtuar se “rregullat e angazhimit midis fuqive globale po ndryshojnë. Nuk duhet ta marrim çdo gjë si të mirëqenë”.