Suedia do të paguajë deri në 34 mijë dollarë emigrantëve që largohen me dëshirë. Oferta ekziston prej disa vitesh, por është riforcuar sërish. “Ne jemi në mes të ndryshimit të paradigmës së politikës sonë të migracionit”, shpjegon qeveria. “Suedia planifikon të rrisë shumën e ofruar tashmë për emigrantët që largohen vetë nga vendi, nisur prej 2026-s, deri në 350 mijë korona suedeze, e barabartë me 34 mijë dollarë”
Vendi skandinav ka luftuar për të integruar shumë prej të ardhurve të tij gjatë viteve. Granti ekziston që nga viti 1984, por është relativisht i panjohur dhe pak njerëz e përdorin atë.
Emigrantët aktualisht mund të marrin deri në 10,000 korona për të rritur dhe 5,000 korona për fëmijë, me një tavan maksimal prej 40,000 korona për familje.
Ndërkohë që Danimarka paguan më shumë se 15 mijë dollarë për person, Norvegjia 1400, Franca 2800 dhe Gjermania 2000.
