Kreu i Partisë Socialiste, në kuadër të turit të tij nëpër bashkitë e vendit përpara zgjedhjeve vendore të 14 majit 2023, ka ngritu dolli me ujë kësaj radhe nga Dibra, për të promovuar furnizimin me ujë të kësaj zone me ujë të pishëm 24 orë.
“As San Pelegrino, as Pana, as Uliveto! Ujë nga burimi i kristaltë i Gramës njëzet e katër orë, s’ka pas kurrë as në demokraci, as në komunizëm, as në mbretëri e as në perandori. Kjo është Partia Socialiste, gëzuar për Partinë Socialiste, të rrojë, sa malet të rrojë, se pa Partinë Socialiste bëhet fushë cdo gjë“, tha Rama mes të tjerave, teksa mbushte ujë nga çezma dhe ngrinte dollinë.
