Në një konferencë të beftë për mediat, Komiteti Teknik i Ekspertëve ka njoftuar se mësimi nëpër universitete do të vazhdojë onlajn, teksa u shpreh se vendimi për shkollat do merret duke ndjekur situatën në dinamikë. Komiteti Teknik duke qenë gjithmonë i vëmendshëm për t’i paraprirë rëndimit të situatës, siç e kemi thënë që do të kishim një vlerësim të masave më intensitet të mesëm të marra më parë, ka vlerësuar që, mësimi në universitete për shkak të situatës që është, do të vazhdojë online edhe për nje periudhë, në varësi të vlerësimit dinamik që ne do të bëjmë, është shprehur zonja Racakolli, ndërkohë që theksoi se nuk do ta diskutonin ende këtë pjesë për shkollat: Në shifrat që ne jemi tani, që vazhdojnë të mbetet në një nivel të qendrueshëm nuk e diskutojmë për momentin sot mbylljen e shkollave. Por është një gjë që ne e ndjekim çdo 24 orë. Nëse shifrat do të ndryshojnë dhe do të jenë brenda atyre numrave të cilat kërkojnë masë të tillë, por unë e theksoj gjithmonë që shifrat të jenë të qëndrueshme dhe ajo që ne kemi parasysh është në përgjithësi mirëqenia e fëmijëve, theksoi ajo.
Ndërkaq, sipas drejtoreshës, së ISHP-së, Albana Fico, situata paraqitet në një nivel risku të shtuar, për arsye të rritjes së rasteve positive ditore shprehur qartë me një rritje të incidencës 14 ditore, 301 persona për 100 mijë banorë.
