“Danimarka është e gatshme të shtojë kontrollet kufitare – madje edhe t’i mbyllë kufijtë – për të frenuar imigracionin”. Kryeministrja Mette Frederiksen e bëri të qartë këtë, duke i cilësuar si “shqetësuese” pamjet që vijnë nga Ceuta. “Ne vazhdojmë ta monitorojmë situatën nga afër,” theksoi ajo gjatë një debati parlamentar, duke shtuar se qeveria nuk do të hezitonte “asnjë çast” për të marrë “masat e nevojshme” nëse do të kishte një fluks migrantësh që drejtohen nga Evropa.
Kontrollet kufitare, vuri në dukje ajo, mund të ashpërsohen ndjeshëm me një njoftim paraprak prej vetëm pak orësh. “Një politikë e rreptë migracioni është thelbësore për Danimarkën dhe për Evropën,” shtoi Frederiksen. Ndërsa fliste për forcimin e kontrolleve, Frederiksen deklaroi gjithashtu se, “si mjet i fundit,” ishte e gatshme të zbatonte një mbyllje të plotë të kufijve.
Sipas lideres socialiste: “Gjëja e rëndësishme në lidhje me Shengenin është se, nëse lindin probleme në një vend – qofshin ato të lidhura me krimin apo me refugjatët – mjeti më efektiv që kemi në Danimarkë është kontrolli kufitar. Falë këtij instrumenti, ne kemi arritur të ndalojmë kriminelë. Unë jam një mbështetëse e vendosur e kontrolleve kufitare”, deklaroi ajo.