Ka reaguar menjëherë Policia e Shtetit sa i takon “çamçakëzit që përgjum fëmijët”.
Në njoftimin e sapo bërë prej saj, thuhet se shërbimet e policisë kanë marrë kontakte të menjëherëshme me stafet pedagogjike të të gjitha shkollave në Tiranë, dhe po ushtrojnë kontrolle për verifikimin e rastit në fjalë.
Njoftimi i plotë i Policisë së Shtetit
Tiranë
Në lidhje me një lajm të publikuar ditën e sotme, në disa media dhe portale, në të cilin thuhet se në një shkollë në Tiranë, është evidentuar rasti i përdorimit të një çamçakëzi që përgjum fëmijët, ju informojmë se:
Shërbimet e Policisë menjëherë pas publikimit kanë marrë kontakte me drejtuesit dhe stafet pedagogjike të të gjitha shkollave të Tiranës, dhe po ushtrojnë kontrolle për verifikimin e rastit në fjalë.
Drejtoria Vendore e Policisë Tiranë i bën thirrje të gjithë qytetarëve të njoftojnë menjëherë Policinë në rast konstatimi të këtyre substancave.
Vijon puna për sqarimin e rrethanave të këtij rasti të publikuar.