Sa zgjat imuniteti pas infektimit nga kovidi? Kjo është pyetja që kanë shtruar të tërë shkencëtarët, që prej fillimit të pandemisë, dhe më në fund duket se vjen një përgjigje.
Një studim australian, publikuar tek Science Immunology, pohon se imuniteti pas infektimit zgjat të paktën tetë muaj. Mund të zgjasë edhe më tepër, por tetë është e sigurt.
Studimi i botuar më 22 dhjetor në revistën prestigjioze shkenore, zbulon se disa qeliza brenda sistemit tonë imunitar, quajtur qelizat B të kujtesës, e mbajnë mend virusin dhe, teksa ekspozohen sërish ndaj tij, ndërtojnë një përgjigje imunitare mbrojtëse, gjë që do të thotë se trupi ynë nis të prodhojë me shpejtësi antitrupa, siç ndodh edhe për agjentët e tjerë patogjenë.
Kërkuesit e kanë bazuar studimin tek 25 pacientë tëprekur kovid, duke marrë 36 kampione gjaku nga dita e 4 pas infeksionit, deri në ditën e 242, dhe ashtu siç kishte ndodhur edhe në studime të tjera të ngjashme, ekpertët panë se antitrupat ndaj virusint nisnin e pakësoheshin ditën e 20 pas infektimit, por tek të gjithë pacientët, gjithashtu, u vu re edhe që vazhdonin t’i kishin qelizat B në memorie, të afta për të njohur një prej dy përbërësve proteinikë të Sars-Cov2.
Këto qeliza B, specifike të virusit, kanë qenë të qëndrueshme tek pacientët deri për 8 muaj pas infeksionit. Sipas profesorit Menno van Zelm, të Monash University, njëri prej autorëve të kërkimit, rezultatet japin shpresë mbi efekshmërinë vaksinave ndaj virusit, dhe shpjegojnë se përse ka pasur kaq pak raste riinfektimi nga kovidi, në nivel global.
