Jo më larg se sa dje, kryetari i Partisë Demokratike Lulëzim Basha prezantoi planin e opozitës për Turizmin nëse fiton zgjedhjet pas 25 prillit, një plan tejet joshës e në dukje i pamundur, sidomos po të sjellësh ndërmend resurset e shumta që ka Shqipëria, dhe problematikën që i ka shoqëruar e shoqëron ato me vite tashmë. I pyetur nga MetropolPost se a mund të realizohet një plan i tillë në Shqipëri, dhe se çfarë do na sillte, si në pikpamje të zhvillimit të brendshëm, ashtu edhe në pikëpamje të rritjes së të ardhurave në buxhet, Zak Topuzi, ekspert i turizmit në Shqipëri, u shpreh në dukje, një plan i tillë është tejet ambicioz.
Sipas raportit të fundit nga UNTWO, tha ai, 40.3 % e të ardhurave globale turistike ndërkombëtare, realizohen nga 28 vendet e BE-së, duke e bërë Evropën destinacionin më të kërkuar në botë. Turizmi dhe udhëtimi në Shqipëri kontribuojnë, së bashku, me 22% në PPB, duke zënë vendin e dytë në Evropë pas Malit të Zi me 32% të PPB (këtu përfshihen dhe gjashtë vendet e Ballkanit Perëndimor). Kjo, sa për të kuptuar si fillim, rëndësinë e madhe që qeveritë duhet t’i kushtojnë turizmit.
Qysh prej vitit 2006 Komisioni Evropian ka prezantuar iniciativa që kanë për qëllim stimulimin e industrisë turistike, promovimin e qëndrueshmërisë, zbutjen e sezonalitetit në turizmin bregdetar, etj. Dominuese kanë qenë politikat stimuluese fiskale, duke rekomanduar një TVSH të reduktuar deri në 5% në sektorin e Akomodimit dhe Restoranteve Turistike (Direktiva 2006/112/EC). Këto politika janë përqafuar nga të gjitha vendet e BE-së e ato të Ballkanit Perëndimor, duke e ulur normën e tvsh-së nga 5-11%. Kjo politikë ka bërë të mundur zhvillimin e shpejtë të industrisë turistike në Ballkan, duke e kthyer atë në një “brand ” të rëndësishëm për turizmin.
Reduktimi i i tvsh-së në masën 6%, në të gjithë spektrin e industrisë së turizmit, do ta kthejë Shqipërinë në fashën e një “tregu konkurues rajonal, për investime në industrinë turistike”. Kjo masë besoj do të sjellë një ndryshim rrënjësor në zhvillimin e vendit. Do t`i shërbejë në radhë të parë formalizimit të tregut, rritjes së standarteve dhe futjen e vendit me dinjitet në paketat ballkanike, ku Shqipëria zë një pozicion strategjik.
Do t`i shërbejë rritjes së punësimit gjithashtu, rritjes së investimeve në sektorin e akomodimit, kryesisht resorte e hotele, që ofrojnë paketa të plota shërbimesh, për të afruar target-grupin, kryesisht të rërës e diellit, që shpenzon për turizëm. Besoj se do t’i shërbejë edhe zgjatjes së sezonit turistik, shqetësim madhor ky i OBT-së, pasi punësimi sezonal ul cilësinë dhe standardet e shërbimit.
Ky lehtësim fiskal do të përkthehet edhe në të ardhura më të mëdha në buxhetin e shtetit, duke rritur fashën e taksapaguesve dhe duke vendour në të njëjtin start të gjithë operatorët që kanë investuar në vite.
Shtimi i kapaciteteve akomoduese dhe ndërtimi i resorteve, qe një tjetër politikë e rëndësishme për të bërë të mundur rritjen e të ardhurave, një nga pikat e dobëta të Shqipërisë, që ofron gati 40% më pak të ardhura për turist, krahasuar me vendet e Ballkanit Perendimor. Ndërkaq, angazhimi për trajtimin e ujërave të ndotura që derdhen në det dhe mbetjeve, është një tjetër element i rëndësishëm. Vetëm Mali i Zi ka 32 plazhe “Bue Flag” të çertifikuara, ndërkohë që ne me plazhet fantastike të Jugut, nuk kemi asnjë.
Edhe politikat stimuluse janë shumë të rëndesishme në këtë situatë, kur rajoni ka subvencionuar dhe aeroportet.
Jane disa konkluzione në vështrim të parë, nisur nga ajo që zoti Basha ka prezantuar. Në ditët në vijim, do bëjmë një analizë më të detajuar të planit, për të kuptuar më mirë e më qartë benefitet që na sjell
