A jeni ndjerë ndonjë herë pa energji, të acaruar, me dëshirë për të qarë, mendime pesimiste, apatikë? A i keni hedhur sytë nga qielli, për të parë nëse është shi a diell? E pra, nëse i keni këto simptoma, e madje edhe nevojë për të ndenjur vetëm, dëshirë për të fjetur, padëshirë për të bërë muhabet, qejf për të konsumuar ushqime të ëmbla, mund të vuani nga metereopatia, parehatia që lidhet me motin e keq.
Sipas ekspertëve të fushës, këtyre simptomave psikologjike të cilat na bëjnë nervozë, u shtohen edhe simptoma të tjera, mirëfilli fizike, si dhimbje koke, frymëmarrje e shkurtër, dhimbje muskujsh, të cilat më së shpeshti, shkaktohen po ashtu nga ndryshimet klimaterike.
Këshilla që japin mjekët për këdo që është i ndjeshëm ndaj ndryshimeve të motit dhe vuan nga metereopatia, është të pinë sa më tepër çajëra qetësues e çlodhës, dhe kurrësesi antidepresantë, ndaj të cilëë rrezikojnë edhe raporte varësie. Mes [ajërave të sugjeruar prej tyre, janë kamomili, sherebela, çaji jeshil, e po ashtu edhe çajërat me bazë xhinsengu.
Por mbi të gjitha, sugjerojnë ekspertët, merruni me aktivitet fizik. Është i vetmi, që ju ndihmon të mbani një formë të mirë, si fizike, ashtu edhe psikologjike.
