Një prej shqetësimeve që kreu i opozitës Basha i adresoi zv.Presidentit të Komisionit Europian zotit Margaritis Schina, në takimin onlajn zhvilluar ditën e sotme, qe edhe çështja e vaksinimit të popullsisë. Në fjalën e tij Basha, theksoi sidomos mungesën e transparencës nga qeveria aktuale sa u takonte origjinës së vaksinave, dhe sidomos thyerjen e besimit të njerëzve tek procesi i vaksimit.
Sa i takon vaksinimit anti-covid të popullësisë, tha Basha, nuk e kemi përdorur pandeminë për të goditur qeverinë. Përkundrazi, duke nisur nga marsi i vitit të kaluar, deri në shtator po të vitit të kaluar, kemi sjellë së bashku ekspertizën më të mirë në vend dhe kemi ftuar qeverinë me plane, plane të hollësishme, që të merren në mënyrë efektive, dhe raportimin e praktikave më të mira të të dyjave lidhur me pandeminë OBSH-në dhe BE-në. Këmbëngulëm për një kohë të gjatë për të testuar, testuar, testuar, për të ndjekur izolimin në mënyrë që të ndërpritej zinxhiri I infeksionit, por fatkeqësisht kjo nuk ndodhi për një kohë të gjatë. Ndërkohë që kemi vuajtur mungesën e testimeve, duke u radhitur si vendi me numrin e testimeve më të ulët në Ballkan. Këtu nuk po po krahasohem me BE-në. Kur them Ballkani, e kam fjalën për Evropa Juglindore, natyrisht duke përjashtuar vendet anëtare të BE-së, Greqi, Kroaci, Slloveni, Bullgari, Rumani.
Elementi i dytë ku jemi përqendruar, vazhdoi Basha, është të alokojmë të gjitha burimet e mundhsme që kemi për të ndihmuar sistemin shëndetësor. Ajo që duhet të bëjmë pas zgjedhjeve është të korrigjojmë mënjëherë këtë neglizhencë tragjike. Transparenca është thelbësore. Tani do të doja të diskutoja me ju vaksinimin. Ka qenë një mungesë totale transparence në mënyrën e trajtimit të tyre me numrin e infeksioneve dhe numrin e vdekjeve. Protokollet e OBsh-së në lidhje me vdekjet e lidhura me covid nuk u respektuan. Dhe të njëjtën mungesë transparence ne shohim edhe në administrimin e vaksinave. Është një ushtrim i personalizuar nga kryeministri, i cili ka dëmtuar besimin e publikut tek vaksinat. Përparësia jonë kryesore është transparenca dhe të sigurohemi që ne po punojmë bashkë me BE, për të sjellë vaksina të çertifikuara nga BE, në mënyrë që të luftojmë pandeminë,sepse ne jemi të vetëdijshëm sa i rëndësishëm është vaksinimi i popullatës. Pra nga ana e vaksinimit, ne po presim çdo informacion që vjen nga ju.
Shqipërinë e pret një e ardhme e ndritur!, përfundoi Basha komunikimin e tij.
