Shqipëria do të ofrojë turpa për Frocën Ndërkombëtare të Stabilizimit (ISF), së bashku me Indonezinë, Marokun, Kazakistanin dhe Kosovën. Kjo ka qenë deklarata e gjeneralit amerikan Jasper Jeffers, komandantit tw ISF-së, para Bordit tw Paqes.
Sipas Trumpit, të gjithë do t’i bashkohen Bordit të Paqes, vetëm se kjo është çështje kohe.
“Pothuajse të gjithë e kanë pranuar” ftesën për në Bordin e Paqes, “dhe ata që nuk e kanë pranuar do ta bëjnë. Disa po e bëjnë me qetësi, por nuk funksionon. Nuk mund të bësh me qetësi me mua”, tha Trump.
Trump deklaroi më pas se një numër vendesh kanë premtuar një total prej mbi shtatë miliardë dollarësh. Vendet që kanë ofruar fonde për rindërtimin e Gazës janë Kazakistani, Azerbajxhani, Emiratet e Bashkuara Arabe, Maroku, Bahreini, Katari, Arabia Saudite, Uzbekistani dhe Kuvajti.
Lidhur me Iranin, Trump përsëriti nevojën për të bërë një “marrëveshje kuptimplote” ose “gjëra të këqija do të ndodhin”. Ai theksoi se Shtetet e Bashkuara “kanë marrëdhënie të mira” me negociatorët e Teheranit. “Do të zbulojmë se çfarë do të ndodhë me Iranin brenda rreth 10 ditësh”, specifikoi Trump, duke pohuar se Teherani nuk mund të ketë armë bërthamore.
Shtetet e Bashkuara do të kontribuojnë 10 miliardë dollarë në Bordin e Paqes në Gaza, njoftoi Trump në takimin e parë në Uashington. Vendet që kanë dhuruar trupa për Forcën Ndërkombëtare të Stabilizimit (ISF) në Gaza janë Indonezia, Maroku, Kazakistani, Kosova dhe Shqipëria, njoftoi gjenerali amerikan Jasper Jeffers, komandant i ISF-së, para Bordit të Paqes.
