Një tërmet i fortë me magnitutën 7.0 ka goditur të premten ishullin Samos në detin Egje. Epiqendra është lokalizuar 14 kilometra nga qyteti bregdetar i Karlovasit, me hipoqendër në 10 km thellësi. Ndërkaq, një shkundje e dytë me magnitudë 5.1, është ndjerë pasdite vonë.
Izmiri është deri më tani vendi më i goditur prej këtij tërmeti, ku numërohen me dhjetra të vdekur, qindra të plagosur. Po ashtu edhe në Samos, nuk mungojnë ndërtesat e prishura, lëndimet në njerëz, e madje edhe të vdekurit e nxjerrë prej rrënojave.
