Është mjeku Erion Dasho ai që ngre dyshimet për një mjekim të ekzagjeruar lidhur me virusin covid19. “Nuk është raft farmacie”, shprehet ai, “por receta e dërguar me SMS një pacienti më pak se 30 vjeç, i cili të vetmen simptomë që ka është temperaturë 38⁰!!!Kjo masakër me shëndetin e qytetarëve duhet të marrë fund!!! Ku janë protokollet që ministria dhe komiteti pretendojnë se kanë?! Pse ky i ri po mjekohet me këtë farmaci për një temperaturë 38⁰?!”
Shqetësimi i Dashos vjen në një kohë kur situata e Covid-it në vend është rënduar pas hapjes së shkollave fillore dhe 9-vjecare, dhe kur shqetësimi më i madh i qytetarëve që e kalojnë në shtëpi, është kostoja e përballimit të sëmundjes.