Për 12 persona
Për bazën me diametër 24 cm, nevojiten:
Miell 00, 310 gr
Veze 1 kokërr
Sheqer, 15 gr,
Gjalpë i ftohtë, 160 gr
Ujë i ftohtë 90 ml,
Kripë 4 gr,
Për kremin:
Kungull dimri (tuli), 500 gr
Vezë, 2 kokrra
Sheqer, 150 gr
Qumësht i kondensuar, 200 gr
Kanelle pluhur, sipas dëshirës,
Arrë myshk, sipas dëshirës
Për dekor:
Krem qumështi, 100 ml
E presim kungullin e pastruar nga lëkura në kubikë të vegjël, dhe e gatuajmë në avull, derisa të jetë gatuar plotësisht. E vendosim në një tas, e lëmë të ftohet komplet dhe ndihmën e një mikseri e bëjmë pure.
Në një tas, rrahim vezën me gjysmën e sheqerit, derisa sheqeri të shkrijë. Shtojme sheqerin e mbetur, kanellën, arrën e myshkut, qumështin e kondensuar dhe i përziejmë mirë, derisa të bëhet një mase homogjene. E mbulojmë me qese kuzhine, dhe e lëmë të pushojë për 1 orë në frigorifer.
Ndërkohë përgatisim bazën, duke përzierë miellin, kripën dhe sheqerin. Shtojmë gjalpin e ftohtë, të prerë në kubikë të vegjël. E punojmë me majat e gishtërinjëve, që të mos e ngrohim shumë. Kur të jetë krijuar një masë e shkrifët dhe produktet të jenë lidhur me njëra-tjetrën, shtojmë gradualisht ujin e ftohtë dhe me pas vezën. E punojmë, derisa të krijohet një masë homogjene dhe e lëmuar. E mbështjellim me qese kuzhine dhe e lëmë të pushojë në frigorifer për gati një orë.
Pas rreth 1 ore, hapim një petë me brumin e përgatitur, jo shumë të hollë, me diametër më të madh se ai i formës së pastiçerisë (mundësisht tavë me fund të çmontueshëm ). Me ndihmen e petësit, shtrojmë petën tek forma dhe me e ndihmën e një thike heqim tepricat e petës nga bordura e formës. Pastaj përziejmë kremin dhe e hedhim sipër petës.
E fusim në furrë të paranxehur në temperaturë 175 gradë, për 55 minuta.
Rrahim kremin e qumështit sa të bëhet një shkumë e qëndrueshme.
E heqim tartën nga furra, e lëmë të ftohet plotësisht, dhe e shërbejmë duke e shoqëruar me një lugë krem qumeshti.
Mund të ruhet deri në 3 ditë në frigorifer.