Shkencëtarët janë duke hetuar arsye të tjera për të shpjeguar mpiksjeve të gjakut, verifikuar në njerëz të ndryshëm pas vaksinimit me AstraZeneca.
Sipas Agjencisë Europiane të Barnave, vaksina nuk ka aspak lidhje me mpiksjen e gjakut, por ajo nuk e përjashtoi ndodhjen në raste të rralla, të asaj që njihet si trompozë e sinusit venoz celebral (CVST). Ndërkaq, kërkuesit në Gjermani dhe në Norvegji, ku janë shënuar disa raste, kanë kanë hedhur këtë javë hipotezën se vaksina, teksa trupi ndërton përgjigjen imunitare, mund të prodhojë antitrupa që provokojnë mpiksjen e gjakut.
Dy prej pistave të tjera ku Agjencia Europiane e Barnave është shprehur se do fokusohet më tej, janë edhe a e kishin kishin kaluar ata njerëz covid-19-n përpara se ta merrnin vaksinën, apo qenë të prekur prej tij në çastin kur e kanë bërë, çka që mund të shkaktojë mpiksje gjaku.
AstraZeneca ka marrë miratimin për përdorim emergjence në 70 vende të botës, dhe nuk është miratuar ende në Shtetet e Bashkuara të Amerikës. Ashtu si dhe J&J apo Sputnik, edhe AstraZeneca përdor një virus të të ftohurës njohur si adenovirus, për të prodhuar përgjigjet imunitare të trupit.
Nuk ka përse, thotë doktor Peter Hotez, kërkues vaksinash pranë “Baylor College of Medicine” të Houston-it, që AstraZeneca ta japë këtë efekt e të tjerat jo, kur bazohen në të njëjtin princip. Por duhet të presim që shkencëtarët gjermanë e norvegjezë, të na ofrojnë të dhëna, që komuiteti shkencor të mund t’i shqyrtojë.
