Në fjalën e tij për sektorin e energjisë në vend, Rama u shpreh se në 2013-n kishin gjetur një sektor energjie ku niveli i humbjeve kishte qenë katstrofik, ku arkëtimet nga konsumatorët ishin një gropë e madhe, ku 80 % e rrjetit kishte në moshën mbi 40 vjeç, e ku afrofetë kishin qenë e vetmja mënyrë faturimi, e cila qe në fakt një mënyrë për të futur duart në xhepin e shqiptarëve, për t’u marrë atyre edhe atë që në fakt nuk duhej ta paguanin.
Po arkëtimet?, u shpreh Rama, arkëtimet ishin po ashtu një gropë e madhe. Sot ne kemi dyfishin e arkëtimeve, se sot ne kemi të përfshirë të gjithë qytetarët, në një proces transformimi që nuk do kishte ndodhur dhe nuk mund të ndodhë në vijim pa ata, që u bënë bashkë me ne, duke e ndarë mendjen se nuk mundet dot të vazhdonim të jetonim duke ia hedhur njëri-tjeterit, e faktikisht duke i hapur vetes një gropë të madhe, ku rrezikonim të shkonim në një kolaps total energjitik, me 1.2 miliadrë borxhe të trashëguara nga vjedhjet dhe nga mospagesat. Kemi bërë investime në sektorin e energjisë që nuk janë bërë kurrë ndonjëherë, të cilat janë bërë në një realitet ku 80% të rrjetit të shpërndarjes e gjetëm në moshën mbi 40% vjeç, ku në kemi gjetur deri edhe relike që ishin akoma në punë të vitit 1936, 1948, 1952, një tmerr, dhe sot e gjithë ditën, me të drejtë, dikush qahet pse kur fryn një erë e forte ikën energjia… kemi investuar afro gjysmë miliardi në rrjetin e shpërndarjes dhe kemi ndërtuar një seri të tërë veprash, që duhet të vazhdojnë.
Në fjalën e tij, Rama tha se në një mandate të tretë të mundshëm, synimi I PS-së ishte që të rrisin sigurinë e furnizimit të të gjithëve me energji elektrike, e po ashtu të fuqizonin aspektin dixhital, në monitorim dhe operim, gjë që do ndihmonte në identifikimin e në zgjidhjen e sa më të shpejtë të problemeve.
Pavarësisht vështirësive, pritoritetet për mandatin e tretë janë, e para të rrisim sigurinë e furnizimit për të gjithë, përmes fuqizimit të kapaciteteve të shpërndarjes, të ndërtojmë e të transformojmë nënstacionet e tjera në rang vendi, nga Shkodra, në zonën e bregdetit Jon, nga Velipoja në Fushkrujë, Valias e Kamëz… Të fillojmë të ndërtojmë një rrjet të rri me 10 kë, me një seri kabinash të tjera, të cilat do të garantojnë, në kompleks me masat e tjera, një siguri të re energjitike dhe një cilësi të shërbimit. Më tutje, të fuqizojmë aspektin teknologik smart – dixhital në monitorim dhe në operim, përmes një sistemi që tanimë është i instaluar në Shqipëri dhe që tanimë e ka atë bazë të nevojshme për t’u shtrirë e zhvilluar, duke telekomanduar në distancë të gjitha kabinat dhe duke filluar pjesë-pjesë nga Shkodra në zona të tjera, pasi të jetë ndërtuar zemra këtu në pellgun Tiranë-Durrës, duke pasur kështu në kontroll një sistem të tërë përmes sinjalizimit në çast të difekteve, përmes uljes së kohës së riparimeve, përmes monitotimit onlajn të ngarkesës.
