Rreth 2000 njerëz janë arrestuar në gjithë vendin prej policisë ruse, për shkak se kishin dalë të plotestonin në mënyrë të paligjshme për lirimin nga burgu të Alexei Navalny-t, kundërshtarit dhe kritikut më të madh të Putinit në Rusi.
Aleatët e Navalny-t shpresonin se përmes tyre, mund ta detyronin Kremlinin ta lironte atë, por ende nuk është e qartë nëse protestat do arrijnë ta pengojnë qeverinë ta burgosë Navalny-n për të paktën një dhjetëvjeçar.
Në protestat e shpërthyera në mbarë vendin, nga Kaliningradi në Vladivostok, protestuesit u ndeshën me policinë, e cila hera-herës dukej sikur e humbiste kontrollin.
Pas arrestimit të protestuesëve, një komision hetues rus, deklaroi se kishte hapur një hetim për dhunën ndaj policisë.
Ndërkaq, sipas medieve të huaja, zëdhënësi i Ambasadës Amerikane në Rusi, ka dënuar dhunën ndaj manifestuesëve, duke e akuzuar Moskën se po shtyp të drejtat e rusëve për protesta paqësore.
