Ka pyetur në mënyrë të drejtëpërdrejtë Sekretarin Amerikan të Shtetit Anthony Blinken, mbi se ku mund të gjendet dosja që shpuri në shpalljen e Berishës “non grata”, kongresmeni republikan Lee Zeldin.
Gjatë bashkëbisedimit me Blinkenin, ai kërkoi të dinte prej tij se ku mund të merrej një informacion më i detajuar mbi dosjen “Berisha” dhe se a ishte përpjekur Blinkeni dhe Departamenti i Shtetit t’i verifikonin ato akuza, duke qenë se Berisha kishte dalë hapur edhe si një prej kundërshtarëve më të flaktë të Sorosit.
Blinken e informoi atë se ato mund të gjendeshin pranë Departamentit të Shtetit Amerikan, dhe se do qe shumë i lumtur t’ua vinte në dispozicion, kongresmenëve dhe mediave gjithashtu.
Biseda e Plotë
Zeldin/ Keni deklaruar kohët e fundit sanksione kundër ish presidentit të Shqipërisë Sali Berishës. Për shumë njerëz kjo erdhi nga hiçi, dhe sa i takon historisë sonë politike ai ka qenë i ftuar i disa prej krerëve tanë të shtetit, e po ashtu edhe një kundërshtar i fortë i Xhorxh Sorrosit. Çfarë informacionesh mund të ndani me me komitetin në këto momente, për të justifikuar këtë lëvizje dramatike?
Blinken/ Faleminderit.
Ne vazhdojmë t’i ndjekim me shumë vëmendje ata që janë të përfshira në aktivitete korrupsioni, të cilat janë duke minuar të drejtat njerëzore apo përbëjnë një sfidë për demokracinë apo parimet demokratike, që u vunë re në rastin e tij, rast që u ndoq prej avokatëve tanë në një proces normal, dhe unë do jem shumë i lumtur të ndaj me ju, se për çfarë bëhet fjalë konkretisht.
Zeldin/Ndonjë gjë më konkrete që të mund ta ndani me komisionin në këtë moment?
Blinken/ Nuk kam asgjë për ta ndarë me komisionin këtë moment, por do të isha shumë i lumtur t’i ndaja informacionet me ju dhe me këdo tjetër që është i interesuar.
Zeldin/ U përpoqa të bëja kërkime, pra informacione që përfshinin edhe çështjet e korrupsionit të tij, dhe nuk arrita të gjeja asgjë. Atëherë ku mund të shkojë dikush, përfaqësues i medias, le të themi, që dëshiron të gjejë informacione, sepse ka shumë diskutime mbi këtë histori, mbi vendimin e Departamentit Amerikan të Shtetit, mbrojtjen, familjarët e tij. Pra ku mund të shkojë një përfaqësues i medias e të marrë informacione mbi këto fakte korrupsioni të zoti Berisha, të cilave u referoheni ju?
Blinken/ Sigurisht. Së pari anëtarëve dhe pastaj medias. Ju lutem ejani në zyrën tonë të punëve ligjore dhe do bëjmë ç’është e mundur të kesh gjithë informacionin. Sa i takon medias, natyrisht, mund të vijnë në zyrën e zëdhënësit të punëve publike, dhe do t’u vihet në dispozicion çdo informacion që zotërohet.
Zeldin/ Mund të na thoni se në cilat burime të tjera të hapura, mediat mund të marrin informacion mbi çështjet korruptive të Berishës?
Blinken/ Unë besoj se ju e dini, që, cilado media mund të pyesë për shembull, edhe gjatë takimit qe bëjmë çdo ditë në Departamentit e Shtetit mund të kërkojë informacion.
Zeldin/A keni pasur ju, apo dikush nga mbrojtja e zotit Berisha, në përpjekje për të kuptuar se çfarë është apo nuk është e vërtetë, a keni pasur ju, apo dikush pas jush, komunikime me zotin Soros apo ndonjë përfaqësues tijin, në përpjekje për të sqaruar se çfarë është apo se çfarë nuk është e vërtetë?
Blinken/ Unë jo, se unë nuk mund të flas me tërë Departamentitn e Shtetit, por nuk kam pasur.
© MetropolPost.al
