Vaksinën do ta nisim në janar dhe nuk do presim ngërçet burokratike, tha kryeministri Rama në konferencën e fundvitit të sapombajtur me gazetarët.
Që ta kuptoni, është shprehur ai në këtë konferencë, Italia ka 9700 vaksina, kjo ka qenë partia e parë e dozave që ka marrë Italia, vend i BE-së, me një popullësi të konsiderueshme. Ndërkohë, çka ka ndodhur në nivelin europian, është se gjithë partia e parë e dozave të disponueshme, që janë shumë herë më pak se nevoja e përgjithshme, është ndarë në një mënyrë a një tjetër mes vendeve të BE, dhe ndërkohë u është lënë vendeve të negociojnë me vende e me palë të tjera, për të ndarë nga paketa e tyre. Nga ana tjetër, kompanitë, duke fillluar nga Pfizer, bëjnë marrëveshje që sidoqoftë janë të lidhura me shtetet, pra nuk ka një marrëveshje që bëhet drejt për drejt me kompaninë, e që në mënyrë bilaterale ti blen sipas asaj që ofron, por marrëveshja është e lidhur me shtetet, me të cilat Pfizer ka vendosur vijat e para të komunikimit, dhe, faktikisht, kur them shtetet, kam parasysh BE-në si një etinitet i tërë. Nga ana tjetër, kini parasysh që SHBA, ku është dhe baza më e madhe e prodhuesëve, ka një ndalim, me nje akt të presidentit të SHBA, që asnjë dozë s’mund të dalë. Por i gjithë ky ngërç i takon fazës së parë, se prodhimi do të rritet në mënyrë eksponenciale në vijim.
Ajo që dua t’ju them, është që ne, të jeni të bindur, do ta fillojmë vaksinimin pa pritur të mbarojë ky ngërç. Vaksinimin do ta nisim brenda janarit, dhe unë kam tendencë të besoj që do ta nisim në mes të janarit, duke bërë atë që bëjnë të gjithë, e duke e nisur në fillim me mjekët infermierrët, e pastaj me grupet më vulneralël, mësuesit, efektivët e policisë dhe ata që janë më të moshuarit. Jemi në diskutime me Astra-Zeneken dhe Modernën, dhe besoj që shpejti do përfundojmë edhe bisedën me Pfizerin, e cila lidhet sigurisht me kapacitetet në shtete të ndryshme, dhe kjo është arsyeja pse kjo mbetet në këtë fazë, një punë intensive diplomatike dhe komunikimi, nga të katërta anët.
Nuk ekziston dhe nuk ka ekzistuar në fakt, mundësia për të bërë kontrata direkte, të palidhura me strategjithë e përgjithshme.
Jemi shumë pranë finalizimit të një marrëveshjeje të shkruar, për të cilën po punojmë qysh nga takimi në Neë York me shefin e madh të kompanisë Pfizer.
