Kreu i qeverisë, Rama, ka publikuar mëngjesin e sotëm në faqen e tij në fejsbuk, një grafik i i cili, me sa duket nga fotoja, pasqyron të dhënat mbi vaksinimin në rang botëror. Nga grafiku i paraqitur, duket që Shqipëria ka lënë pas në këtë drejtim vendet fqinje si Greqi e Maqedoni, por jo vetëm kaq, edhe ato europianet, të cilat në fakt, bëjnë ligjin sa u takon vaksinave dhe vaksinimit, si Franca dhe Gjermania.
Ne do ta fitojmë këtë luftë me lidership, organizim, këmbëngulje e durim të madh dhe përmes vaksinimit të pandalur masiv, do të kemi një sezon turistik të lehtësuar ndjeshëm. të dhënat e barometrit global për ritmin e vaksinimit 7 ditët e fundit, shkruan ai në statusin e vet.
Me gjasa, në këndvështrimin e kryeministrit kjo është një shenjë suksesi, ndërkohë që ende nuk dihen të dhëna mbi efektet që ka pasur ky vaksinim masiv në popullësi. Edhe pse dëshira është për të qenë pozitiv, sërish mbetet dyshues nguti i madh i qeverisë për të vaksinuar masivisht popullësinë, në një kohë kur vendet më të zhvilluara europiane, kanë zgjedhur të procedojnë më ngadalë.
